شركة تنظيف منازل بالرياض 0561933559 ،، ارشادات لتنظيف المنزل
0544769049
0566884259
0540736424
0561933559
طبعا اكتر حاجه بنشيل همها فى التنضيف هى المطبخ
اولا هنتكلم على الشفاط
طبعا ده بيتراكم عليه الدهون جدا
هقولك الحل السحرى
زيت الطعام
اه والله زى ما بقولك كده
هتجيبى شوية زيت وسلكة مواعين وفكى الشفاط واغسلى
هتلاقى الدهون بتطلع بسرعه ومن غير مجهود كبير
الحمد لله غسلنا الشفاط ونضف نيجى بقى للبوتجاز
نصيحة منى بجد ما تجربيش اى منظف ولا اى وصفه الا لما تجربيها فى مكان مش باين فى البوتجاز
انا جربت قبل كده منظف طفى لمعة البوتجاز خالص ومهما اغسله مش بيلمع ولا بقى زى الاول
الحمد لله باظ وارتحت منه هههههههههههههه
انا باستخدم باور من ماى واى يعنى ماشى حاله بس مش باستخدمه للعيون
لما العين بتسمر بغسلها بجاز بيطلع السمار بس خلى بالك
نيجى بقى لورق الالومنيوم اللى الناس بتقول عليه
حضرتك ده اختراع فاشل فشل الفول فى صينية البطاطس
اولا مش بيحمى البوتجاز ولا حاجه
بتيجى تشليه تلاقى البوتجاز من تحته اسمر وناشف
اغسلى بوتجازك كل يوم ولو على السريع احسن 100 مره من الورق ده
ممكن تحطيه على الزجاج اللى فوق البوتجاز (مش عارفه بتقوله عليه ايه) ده انا لسه مجرباه النهارده الله اعلم
وللسيراميك الحائط
لو الدهون معصلجه شويه اغسليها بالجاز برضوا بس علشان خاطرى خلى بالك وكونى حذره
او استخدمى الفلاش برضوا حلو بس خلى بالك على ايدك
السجاد بقى
لو حبيتى تنتحرى وتتغسليه انتى فطبعا الاول لازم المكنسه وتشدى التراب وبعدين تغسليه بشامبو السجاد او اى منظف بترتاحى فيه
لو غسلتيه فى العيد الصغير
فخلاص هتكنسيه بالمكنسه وبعدين تجيبى فرشه وفيه منظف اسمه فاستا خاص بالسجاد والمفروشات
بتحطى شوية منه فى مايه وتجيبى فرشه وتمسكى السجاد بعد ما تكنسيه وتغسليه بالفرشه بس من غير ما تغرقى السجاد
وبعد ما تخلصى تسيبه ينشف شويه لان المنظف ده هينشف عليه وتشدى بالمكنسه
او مش لازم المنظف ده خالص وهاتى الفرشه واغسلى السجاد بس برضوا من غير ما تغرقيه خالص يعنى يادوب تطلعى اى حاجه معلقه فى السجاد
وبعدين تشمسيه وكل سنة وانتى طيبه
المراتب بقى
اولا نفضى بالمنفضه كويس وبعدين استخدمى المكنسه والقطعة الخاصه بالاساس وشدى التراب
لو افتكرت حاجه تانى هقولكم ولو حد عنده حاجه يقولها